ნეტგაზეთი | ვიღაცამ ისე გაიგო, რომ დღეს ვაპირებდი პარლამენტიდან გასვლას, არა, ბატონებო – ხაზარაძე ვიღაცამ ისე გაიგო, რომ დღეს ვაპირებდი პარლამენტიდან გასვლას, არა, ბატონებო – ხაზარაძე – Netgazeti
Batumelebi | RU

ვიღაცამ ისე გაიგო, რომ დღეს ვაპირებდი პარლამენტიდან გასვლას, არა, ბატონებო – ხაზარაძე

“ლელოს” ლიდერი მამუკა ხაზარაძე პარლამენტიდან გასვლის შესახებ თავის განცხადებას განმარტავს და ამბობს, რომ პარლამენტიდან დღესვე გასვლას არ გულისხმობდა.

ხაზარაზემ გუშინ, 23 ივნისს,  განცხადა, რომ თუ მოსამართლეების დანიშვნა არ გადაიდებოდა, ფრაქცია “ლელო — პარტნიორობა საქართველოსთვის” პარლამენტიდან გავიდოდა.

“მე გუშინ გავაკეთე განცხადება და მინდა კიდევ ერთხელ გავიმეორო: ვიღაცამ ისე გაიგო, რომ დღეს ვაპირებდი პარლამენტიდან გასვლას. არა, ბატონებო, თქვენ მარტო არ დაგტოვებთ. არ დაგტოვებთ იმ ხალხს, ვისაც ჩაფიქრებული აქვს, რომ დოკუმენტს [შარლ მიშელის] გაუკეთოს ობსტრუქცია. კანონის ფარგლებში გავაკეთებთ ყველაფერს, რომ გავაკეთოთ სრული ლუსტრაცია იმისა, თუ რა მოვლენასთან გვაქვს საქმე”, — განაცხადა მამუკა ხაზარაძემ.


მამუკა ხაზარაძე აცხადებს, რომ მოსამართლეების დანიშვნის პროცესის გაგრძელება შეთანხმების უხეში დარღვევაა.

“ეს არის ვენეციის კომისიის თითქმის ყველა რეკომენდაციის უგულებელყოფა და მინდა გავაჟღერო ფრაქცია “ლელო – პარტნიორობა საქართველოსთვის” ინიციატივა და ვთხოვო ოპოზიციას, რომ გაიზიაროს ეს ინიციატივა, რომ თუ “ქართული ოცნება” მსგავსი მეთოდით დაიწყებს ამ საკითხის ფორსირებას, მოსამართლეების დანიშვნის პროცესს, ჩვენ გავალთ პარლამენტიდან და დარჩებით მარტო”, — განაცხადა ხაზარაძემ.

მოსამართლეების დანიშვნის შემთხვევაში, ოპოზიციის ნაწილი პარლამენტიდან გასვლას აანონსებს

 

ნეტგაზეთის მასალების სხვა გამოცემებში გადაბეჭდვის წესი
ავტორი