ნეტგაზეთი | კომიტეტმა „გირჩის“ პოლიტიკური ჯგუფის დარეგისტრირების საკითხს მხარი დაუჭირა კომიტეტმა „გირჩის“ პოლიტიკური ჯგუფის დარეგისტრირების საკითხს მხარი დაუჭირა – Netgazeti
RU | GE  

კომიტეტმა „გირჩის“ პოლიტიკური ჯგუფის დარეგისტრირების საკითხს მხარი დაუჭირა

საპროცედურო საკითხთა და წესების კომიტეტმა მხარი დაუჭირა საპარლამენტო პოლიტიკური ჯგუფის – „გირჩის“ დარეგისტრირების საკითხს.

აღნიშნულ საკითხთან დაკავშირებით გადაწყვეტილება კომიტეტმა კონსულტაციების გამართვის შემდეგ მიიღო.

კომიტეტის თავმჯდომარის, ირაკლი ქადაგიშვილის თქმით, ამ გადაწყვეტილებით ყველა ბარიერგადალახულ პოლიტიკურ ძალას პარლამენტში პოლიტიკური ცხოვრების გაგრძელების და საპარლამენტო ინსტრუმენტების გამოყენების შესაძლებლობა ექნება.

„მეათე მოწვევის პარლამენტის ცხოვრება დაიწყო არასტანდარტული გზით, რითაც ქართულმა დემოკრატიამ მაგალითი აჩვენა მსოფლიოს. ამან, ბუნებრივია, გამოიწვია მთელი რიგი სიახლეები საპარლამენტო ცხოვრებაში, რამაც მოითხოვა რეგლამენტში ცვლილებების შეტანა. გაჩნდა პოლიტიკური ჯგუფის ცნება, რომელიც არ არის ფრაქცია, მაგრამ ბევრი მისი მსგავსი უფლებამოსილება მიეცა, რომ საპარლამენტო ცხოვრება ყოფილიყო ყველა იმ სუბიექტისათვის, ვინც ბარიერი გადალახა“, – განაცხადა ირაკლი ქადაგიშვილმა.

“გირჩის” პოლიტიკურ ჯგუფის დარეგისტრირების საკითხი კომიტეტის დღის წესრიგში გუშინ, 21 ივნისსაც, იდგა, თუმცა გუშინ ირაკლი ქადაგიშვილმა საკითხის განხილვა გადადო და მიზეზად დაასახელა “გირჩის” სიით პარლამენტში გასული ზურაბ ჯაფარიძის მიერ ფრაქცია “შარლ მიშელის რეფორმების” ჯგუფთან შეერთება.

გირჩელები ზურა ჯაფარიძის გამო პარლამენტში პოლიტიკურ ჯგუფს ვერ ქმნიან

ნეტგაზეთის მასალების სხვა გამოცემებში გადაბეჭდვის წესი
ავტორი