ნეტგაზეთი | “ყოველთვის მემახსოვრება, როგორ მიწოდეს მოღალატე” — გახარია “ყოველთვის მემახსოვრება, როგორ მიწოდეს მოღალატე” — გახარია – Netgazeti
RU | GE  

“ყოველთვის მემახსოვრება, როგორ მიწოდეს მოღალატე” — გახარია

ყოფილი პრემიერ-მინისტრი გიორგი გახარია ამბობს, რომ მას ყოველთვის ემახსოვრება, როგორ უწოდეს მოღალატე.

გახარია ტვ “პირველის” ეთერში, ინგა გრიგოლიას “რეაქციაში” საუბრობდა 20 ივნისს დაშავებულ ადამიანებზე, რა დროსაც თქვა:

“მე არ მჭირდება ამის გახსენება. მე ეს ყოველთვის მახსოვს და მემახსოვრება ისევე, როგორც ყოველთვის მემახსოვრება, როგორ მიწოდეს მოღალატე”.

გიორგი გახარიას მოღალატე რამდენიმე დღის წინ “ქართული ოცნების” ყოფილმა ლიდერმა ბიძინა ივანიშვილმა უწოდა პრემიერის პოსტის დატოვების გამო.

გახარიამ ტვ “პირველის” ეთერში ისაუბრა იმაზეც, თუ როგორ ვერ დაუკავშირდა  ბიძინა ივანიშვილს, როცა გადადგომა დააპირა მიმდინარე წლის თებერვალში. მან არ ისურვა დაკონკრეტება, ივანიშვილმა მის ზარს უბრალოდ არ უპასუხა, თუ ტელეფონი გათიშული ჰქონდა.

ივანიშვილი: გახარიას გადადგომა გუნდისა და სახელმწიფოს ღალატია

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.