საქართველოში ბოლო 24 საათში კორონავირუსის 360 შემთხვევა გამოვლინდა, გარდაიცვალა 16 ადამიანი. ინფორმაციას მთავრობის ადმინისტრაცია ავრცელებს.
უწყების ინფორმაციით, ამავე პერიოდში გამოჯანმრთელდა 1 195 ადამიანი, ჩატარდა 12 207 ტესტირება.
„რაც შეეხება დადებითობის მაჩვენებელს, 30 მაისის მდგომარეობით, დადებითობის დღიური მაჩვენებელი არის 2.95 %, ბოლო 14 დღის მანძილზე – 3.41%, ხოლო 7 დღის მანძილზე – 2.80%“, – ნათქვამია ოფიციალურ განცხადებაში.
ქვეყანაში გამოვლენილი 360 შემთხვევა რეგიონების მიხედვით ასე გადანაწილდა:
- თბილისი – 200
- აჭარა – 43
- იმერეთი – 27
- ქვემო ქართლი – 22
- შიდა ქართლი – 6
- გურია – 6
- სამეგრელო – ზემო სვანეთი – 24
- კახეთი – 13
- მცხეთა – მთიანეთი – 8
- სამცხე – ჯავახეთი – 6
- რაჭა – ლეჩხუმი და ქვემო სვანეთი – 5
„ამ ეტაპზე ინფიცირების მიმდინარე აქტიური შემთხვევა არის 11 546, საიდანაც 3 829 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 060, აჭარაში – 400, იმერეთში – 503.
ამ ეტაპზე მძიმე პაციენტია 892 პირი, მათ შორის, თბილისში – 403, აჭარაში – 104, იმერეთში -165. ხელოვნური სუნთქვის აპარატზე იმყოფება 220 პირი, მათგან თბილისში – 143, აჭარაში – 16, იმერეთში – 19. 658 ადამიანი მოთავსებულია კლინიკურ-სასტუმროებში, მათ შორის 366 – თბილისში, 248- აჭარაში. 7 059 პირი ვირუსის მკურნალობის კურსს გადის საცხოვრებელ ბინაზე“, – ნათქვამია ოფიციალურ განცხადებაში.
მთავრობის ინფორმაციითვე, ამ ეტაპზე თვითიზოლაციაში იმყოფება 20 119 ადამიანი, ხოლო საკარანტინო სივრცეებში – 44.
საქართველოში კორონავირუსის 343 963 შემთხვევა გამოვლინდა, რომელთაგან 327 618 გამოჯანმრთელდა, გარდაიცვალა 4 773.