ახალი ამბები

არ დავუშვებთ, რიონის ხეობაში პროტესტი ძალადობრივი სცენარით განვითარდეს – შსს

12 აპრილი, 2021 • 796
არ დავუშვებთ, რიონის ხეობაში პროტესტი ძალადობრივი სცენარით განვითარდეს – შსს

შინაგან საქმეთა სამინისტრო აცხადებს, რომ არ დაუშვებენ, რიონის ხეობაში პროტესტი ძალადობრივი სცენარით განვითარდეს და მკაცრი რეაგირება ექნებათ სამართალდარღვევის ნებისმიერ ფაქტზე. შსს ადასტურებს, რომ ხეობაში მოქალაქეებს გადაადგილებას უზღუდავს და ამას მათი უსაფრთხოების მიზნით ხსნის.

” უსაფრთხოების მიზნით, რიონის ხეობაში მოქალაქეთა გადაადგილება გარკვეულ მიმართულებებზე დროებით იზღუდება პოლიციის შესახებ საქართველოს კანონის 25-ე და 26-ე მუხლების შესაბამისად.
შინაგან საქმეთა სამინისტრო არ დაუშვებს, რიონის ხეობაში პროტესტი ძალადობრივი სცენარით განვითარდეს და მკაცრ რეაგირებას მოახდენს სამართალდარღვევის ნებისმიერ ფაქტზე. პოლიცია მოუწოდებს მოქალაქეებს, არ გასცდნენ გამოხატვის თავისუფლების კანონით დასაშვებ ფარგლებს, დაემორჩილონ პოლიციის მოთხოვნებს”,-წერია შსს-ს მიერ გავრცელებულ განცხადებაში.

დღეს რიონის ხეობაში, ნამახვანჰესის მოწინააღმდეგეების მორიგი აქციის დროს, მოქალაქეებსა და პოლიციას შორის დაპირისპირება მოხდა. აქციის მონაწილეობმა რიონის ხეობისკენს მიმავალი გზის გახსნა მოითხოვეს, რომელიც საპოლიციო ძალების მიერაა გადაკეტილი.

ხელებაწეულმა აქტივისტებმა პოლიციის კორდონის გარღვევა სცადეს, თუმცა საბოლოოდ გადაწყვტიეს, რომ ქუთაისისკენ მსვლელობით წასულიყვნენ.

მასალების გადაბეჭდვის წესი