ვარკეთილში, ხომლელის ქუჩაზე, 10 აპრილის საღამოს ხანძარი გაჩნდა. როგორც ერთ-ერთმა ადგილობრივმა “ნეტგაზეთს” განუცხადა, ფართში, რომელსაც ცეცხლი გაუჩნდა, მაღაზიაა განთავსებული.
“ნეტგაზეთს” საგანგებო სიტუაციების მართვის სამსახურში უთხრეს, რომ ცეცხლი უკვე ლოკალიზებულია და ამჟამად სალიკვიდაციო სამუშაოები მიმდინარეობს. ადგილზე 7 სახანძრო-სამაშველო ეკიპაჟი მუშაობს.
ხანძარს მსხვერპლი არ მოჰყოლია.
