მას შემდეგ, რაც პოლიციამ „რიონის ხეობის მცველებს“ ნამოხვანისკენ, — სადაც პროტესტის ძირითადი კერაა, — გადაადგილების შესაძლებლობა არ მისცა, მათ ნამახვანჰესის წინააღმდეგ კარავი გუმათშიც აღმართეს.
დემონსტრანტები ამ ნაბიჯით საპროტესტო დემონსტრაციების მეორე კერას ქმნიან — როგორც თავად აცხადებენ, მანამ, სანამ ნამოხვანისაკენ გზა არ გაიხსნება.
„ხელისუფებას არა აქვს საფუძველი, შეგვიზღუდოს გადაადგილება ჩვენი პროტესტის ძირითად ადგილამდე მისასვლელად. ამიტომ, დღევანდელი შეკრება ამ მოთხოვნას ემსახურება, — გაგვითავისუფლონ გზა და გადავაადგილდეთ შეუზღუდავად“, – უთხრა დემონსტრაციის სპიკერმა ვარლამ გოლეთიანმა „ნეტგაზეთს“.
ნახეთ ასევე:
ვემზადებით აქციისთვის თბილისში, ხელისუფლებამ საღად უნდა შეაფასოს პროცესი – გოლეთიანი
სოფელ გუმათში “კომენდანტის” დარღვევისთვის დაგვაჯარიმეს: “ნამახვანჰესის” მოწინააღმდეგეები