საკოორდინაციო საბჭოს გადაწყვეტილებით, კასპის მუნიციპალიტეტის სოფლებში- იგოეთში, სამთავისსა და ქვემო ჭალაში- პოლიციის სპეციალური საკონტროლო პუნქტები მოეწყო.
შინაგან საქმეთა სამინისტროს ინფორმაციით, ამ სოფლებში შემსვლელ და გამომსვლელ მოქალაქეებს ადგილზე უტარდებათ თერმოსკრინინგი, ხოლო საჭიროების შემთხვევაში – ტესტირება.
“შიდა ქართლის რეგიონის სამ სოფელსა და კასპის მუნიციპალიტეტის სხვა სოფლებში შესვლა-გამოსვლა არ იზღუდება და არ წესდება სხვა მკაცრი საკარანტინო შეზღუდვები”,-აცხადებენ შსს-ში.
შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა, ატარონ პირბადე და დაემორჩილონ არსებულ რეგულაციებს.
ბოლო 24 საათში ქვეყანაში კორონავირუსის 529 ახალი შემთხვევა გამოვლინდა და დადებითობის დღიურმა მაჩვენებელმა 2.15% შეადგინა. Stopcov.ge-ზე გამოქვეყნებული ინფორმაციის თანახმად, 2 აპრილის მონაცემებით, ბოლო 24 საათში ქვეყანაში ჩატარდა 24 646 ტესტი, მათ შორის, 14 659 კვლევა ანტიგენის ტესტით ჩატარდა, 9 987 კი- PCR მეთოდით