შრომის ინსპექციის განცხადებით, სასტუმრო ვინოტელი, სადაც რუსი ჟურნალისტი ვლადიმერ პოზნერია გაჩერებული, 10 000 ლარით დაჯარიმდა.
“გამოიკვეთა მთავრობის 322-ე დადგენილების დარღვევის ფაქტი, რის გამოც ობიექტი დაჯარიმდა 10 000 ლარით.
შრომის ინსპექციამ სასტუმროს მისცა მკაცრი გაფრთხილება, რომ დაიშალოს აღნიშნული ღონისძიება. განმეორებით, აღნიშნული ქმედების განმეორებისას, იქნება შესაბამისი სანქცია გამოყენებული”, – განაცხადა შრომის ინსპექციის წარმომადგენელმა სასტუმრო ვინოტელის დაჯარიმების ფაქტზე საუბრისას.
რუსი ჟურნალისტი ვლადიმერ პოზნერი საქართველოში საკუთარი დაბადების დღის აღნიშვნის მიზნით დღეს თანმხლებ პირებთან ერთად ჩამოვიდა.
