ნეტგაზეთი | “ვაქცინების 5% გადავცეთ ოკუპირებული ტერიტორიების მედ-პერსონალს” – ხაზარაძე “ვაქცინების 5% გადავცეთ ოკუპირებული ტერიტორიების მედ-პერსონალს” – ხაზარაძე – Netgazeti
RU | GE  

“ვაქცინების 5% გადავცეთ ოკუპირებული ტერიტორიების მედ-პერსონალს” – ხაზარაძე

პოლიტიკური პარტია ლელოს ლიდერი მამუკა ხაზარაძე სოციალური ქსელის საშუალებით განცხადებას ავრცელებს, სადაც სახელმწიფოს მოუწოდებს, რომ ქვეყანაში შემოსული ვაქცინების ნაწილი, გადაეცეს ცხინვალისა და სოხუმის სამედიცინო პერსონალს.

“მივმართავ ჯანდაცვის სამინისტროს: ქვეყანაში შემოსული ვაქცინების 5 % გადაეცეს საქართველოს ოკუპირებულ ტერიტორიებზე მცხოვრებ და მომუშავე სამედიცინო პერსონალს – ექიმებს, ექთნებს, სანიტრებს, ყველა იმ ადამიანს, რომლებიც შიშველი ხელებით ებრძვიან პანდემიას გალისა თუ ახალგორის რაიონში, სოხუმსა თუ ცხინვალში.
ეს საქართველოა და მათი დახმარება და თანადგომა ჩვენი სახელმწიფოს და თითოეული ჩვენგანის უპირველესი ვალია”, – ნათქვამიმა ხაზარაძის მოწოდებაში.

ნეტგაზეთმა გასულ კვირას მოამზადა მასალა დე ფაქტო აფხაზეთსა და სამხრეთ ოსეთში ვაქცინაციის პროცესის დაწყების გაჭიანურების შესახებ. აღნიშნულ ტერიტორიებზე რუსული ვაქცინა სპუტნიკ V-ით ვაქცინაცია ამ დრომდე არ დაწყებულა.

ქართველი მკლევრების შეფასებით, ეს ფაქტი, მათ შორის მიანიშნებს იმაზე, რომ რუსეთისთვის დე ფაქტო აფხაზეთისა და სამხრეთ ოსეთის მოსახლეობის ჯანმრთელობა არაპრიორიტეტულია.

ცხინვალსა და სოხუმს რუსული ვაქცინა კვლავ არ მიუღიათ

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com