ნეტგაზეთი | მექნება კონსულტაციები პარტიის პოლიტსაბჭოსთან და შემდგომ ნაბიჯებზე ჩამოვყალიბდებით – ღარიბაშვილი მექნება კონსულტაციები პარტიის პოლიტსაბჭოსთან და შემდგომ ნაბიჯებზე ჩამოვყალიბდებით – ღარიბაშვილი – Netgazeti
RU | GE  

მექნება კონსულტაციები პარტიის პოლიტსაბჭოსთან და შემდგომ ნაბიჯებზე ჩამოვყალიბდებით – ღარიბაშვილი

პრეზიდენტის რეზიდენციაში დასრულდა შეხვედრა ხელისუფლებისა და ოპოზიციის წარმომადგენლებს შორის, რომელიც ევროპული საბჭოს პრეზიდენტის, შარლ მიშელის მედიაციით გაიმართა. შეხვედრის დასრულების შემდეგ კომენტარი გააკეთა ქვეყნის პრემიერ-მინისტრმა ირაკლი ღარიბაშვილმა.

“შარლ მიშელის მიერ ინიცირებული და ორგანიზებული შეხვედრა წარიმართა საკმაოდ კონსტრუქციულად. დღეს გავმართეთ დიალოგი, ვიმსჯელეთ მთელ რიგ საკითხებზე და იმ განსხვავებებზე, რომელიც ჩვენ გვაქვს, ხელისუფლებასა და ოპოზიციას. გარკვეულ საკითხებზე გვაქვს პრინციპული პოზიციები. თითოეული მონაწილისგან მოვისმინე შეკითხვები და მე მათ პასუხი გავეცი. ასევე შევთანხმდით იმაზე, რომ დიალოგი გაგრძელდება. მე მექნება კონსულტაციები პარტიის პოლიტიკურ საბჭოსთან და შემდგომ ნაბიჯებზე ჩამოვყალიბდებით და საზოგადოებას ვაცნობებთ ჩვენს პოზიციებს. ასევე მინდა გითხრათ, რომ მიშელის რეკომენდაცია იყო, რომ მოკლე დროში გამოვნახოთ ყველამ ერთად საერთო ენა, რომელიც ჩვენი ქვეყნისა და ხალხის ინტერესს ემსახურება.

მე კიდევ ერთხელ განვაცხადე, რომ ჩვენ უნდა გამოვნახოთ შესაძლებლობა და საერთო ეროვნული იდეა, რომელიც ჩვენს ხალხს და ერს გააერთიანებს. ეს არის ის, რაც ჩვენს ქვეყნას სჭირდება: საერთო ეროვნული კონსენსუსი და ეროვნული თანხმობა რეალურ საკითხებზე და არა იმ განსხვავებზე, რომელიც ჩვენ შეიძლება გვქონდეს.

ოკუპაცია, პანდემია, სიდუხჭირე – სწორედ ამ საკითხებზე არის საჭირო გაერთიანება. მე დიდი იმედი მაქვს, რომ ოპოზიცია ასეთ კოსნტრუქციულ რეჟიმში გააგრძელებს მუშაობას და ჩვენი მხრივ ვადასტურებთ მზაობას, რომ გავაგრძელოთ დიალოგი”, – განაცხადა ღარიბაშვილმა.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com