ევროპული საბჭოს პრეზიდენტის, შარლ მიშელის მედიაციით ოპოზიციასა და ხელისუფლების წარმომადგენლებს შორის შეხვედრა დღეს, 20:00 საათზე პრეზიდენტის რეზიდენციაში გაიმართება. ამის შესახებ ინფორმაციას პრეზიდენტის ადმინისტრაცია ავრცელებს.
ევროპული საბჭოს პრეზიდენტმა შარლ მიშელმა, ევროკავშირის მედიაციით, საქართველოს ხელისუფლებასა და ოპოზიციას შეხვედრა შესთავაზა.
განცხადება ამის შესახებ მიშელმა პრემიერ-მინისტრ ირაკლი ღარიბაშვილთან შეხვედრის შემდეგ, ერთობლივ პრესკონფერენციაზე განაცხადა.
საქართველოს პრემიერ-მინისტრმა ირაკლი ღარიბაშვილმა აღნიშნული განცხადების შემდეგ წინაპირობების გარეშე დიალოგის დაწყების მზადყოფნა გამოთქვა.