NDI-ის ახალი კვლევის თანახმად, გამოკითხულ მოქალაქეთა უმეტესობა ამბობს, რომ კორონავირუსის პანდემიის თვალსაზრისით უარესი ჯერ კიდევ წინ არის.
როგორც კვლევაში ვკითხულობთ, 39% ამბობს, რომ მისი მოლოდინით, ყველაზე ცუდი ჯერ კიდევ წინ არის, 33%-ით თქმით კი, ყველაზე ცუდი ქვეყანამ უკვე უკან მოიტოვა.
ამავე კვლევის თანახმად, ქალაქში მცხოვრებ მოქალაქეებს უფრო ნეგატიური მოლოდინები აქვთ, ვიდრე სოფელში მცხოვრებ მოქალაქეებს.
ამასთანავე, ყველაზე ნეგატიურად განწყობილი ასაკობრივი ჯგუფი 55 წელს ზემოთ ასაკის მოქალაქეები არიან.
საქართველოში 26 თებერვლიდან დღემდე კორონავირუსის 253 816 შემთხვევა გამოვლინდა, რომელთაგან 243 396 გამოჯანმრთელდა, ხოლო 3 071 გარდაიცვალა.
დღეს, 25 ინვარს გამოქვეყნებული კვლევა 17-24 დეკემბრის პერიოდში ჩატარდა საქართველოს მასშტაბით 2 053 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1.1 პროცენტი. რესპონდენტები შემთხვევით ნომერზე დარეკვის მეთოდით შეირჩნენ. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.
ნახეთ ასევე:
კოვიდვაქცინის მოწინააღმდეგეთა რაოდენობა 5%-ით შემცირდა 2020 წელს – NDI-ის კვლევა