ქალაქ თელავში გაშლილ საპროტესტო კარავს, აქტივისტების განცხადებით, ავტომობილი კვლავ დაეჯახა.
პროტესტის მონაწილე ლაშა ხუსკივაძე ინფორმაციას საკუთარი Facebook-ის საშუალებით ავრცელებს.
აქციის მონაწილეებს კარავი თელავში, თეატრის შენობის წინ აქვთ გაშლილი. მათი ცნობით, კარავს ავტომობილი პირველ იანვარსაც დაეჯახა, რაზეც გამოძიება სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანებას გულისხმობს.
მათივე განცხადებით, ისინი არჩევნების გაყალბებას აპროტესტებენ და პროტესტის შეწყვეტას არ აპირებენ.
