საქართველოში ბოლო 24 საათში კორონავირუსის გამოვლენილი შემთხვევებიდან ყველაზე მეტი – 1637 თბილისში დადასტურდა. ამის შესახებ მთავრობის ადმინისტრაციის მიერ გავრცელებული სტატისტიკა მოწმობს.
უწყების ინფორმაციით, ახალი 4 734 შემთხვევა რეგიონების მიხედვით ასე გადანაწილდა:
- თბილისი – 1 637
- აჭარა – 489
- იმერეთი – 823
- ქვემო ქართლი – 372
- შიდა ქართლი – 381
- გურია – 93
- სამეგრელო-ზემო სვანეთი – 377
- კახეთი – 328
- მცხეთა-მთიანეთი – 143
- სამცხე-ჯავახეთი – 73
- რაჭა-ლეჩხუმი და ქვემო სვანეთი – 18
„ამ ეტაპზე ინფიცირების მიმდინარე აქტიური შემთხვევა არის 27 456. მათ შორის, 6 900 ადამიანი მკურნალობს საავადმყოფოში, მათ შორის, თბილისის საავადმყოფოებში – 3 025, აჭარაში – 998, იმერეთში – 1 325.
ამ ეტაპზე მძიმე პაციენტია 1 147 პირი, მათ შორის, თბილისში – 537, აჭარაში – 159, იმერეთში – 247. მათ შორის ხელოვნური სუნთქვის აპარატზე იმყოფება 406 პირი, მათგან თბილისში – 215, აჭარაში – 31, იმერეთში – 52. 3 689 ადამიანი მოთავსებულია კოვიდ-სასტუმროში, მათ შორის 1 158 – თბილისში, 1 846 – აჭარაში, 393 – იმერეთში. 16 867 პირი ვირუსის მკურნალობიურსს საცხოვრებელ ბინაზე გადის“, – ნათქვამია მთავრობის განცხადებაში.
მათივე ინფორმაციით, საკარანტინო სივრცეებში მოთავსებულია 1 126 ადამიანი, ხოლო თვითიზოლაციაში იმყოფება 51 430.
საქართველოში 26 თებერვლიდან დღემდე კორონავირუსის 174 383 შემთხვევა გამოვლინდა, რომელთაგან 145 287 გამოჯანმრთელდა, ხოლო 1614 გარდაიცვალა.