საქართველოს მთავრობის ოფიციალური სტატისტიკით, ბოლო 24 საათში, კორონავირუსის ყველაზე ბევრი შემთხვევა თბილისში გამოვლინდა.
როგორც უწყება ამბობს, ახალი 4 260 შემთხვევა რეგიონების მიხედვით ასე გადანაწილდა:
- თბილისი – 1 676
- აჭარა – 525
- იმერეთ – 591
- ქვემო ქართლი – 351
- შიდა ქართლი – 294
- გურია – 131
- სამეგრელო-ზემო სვანეთი – 274
- კახეთი – 166
- მცხეთა-მთიანეთი – 134
- სამცხე-ჯავახეთი – 88
- რაჭა-ლეჩხუმი და ქვემო სვანეთი – 30
„ამ ეტაპზე ინფიცირების მიმდინარე აქტიური შემთხვევა არის 21 655. მათ შორის, 6 561 ადამიანი მკურნალობს საავადმყოფოში, მათ შორის, თბილისის საავადმყოფოებში-2 843, აჭარაში-1 043, იმერეთში-1 255.
ამ ეტაპზე მძიმე პაციენტია 1 027 პირი, მათ შორის, თბილისში-486, აჭარაში-152, იმერეთში-218. მათ შორის ხელოვნური სუნთქვის აპარატზე იმყოფება 390 პირი, მათგან თბილისში-206, აჭარაში-45, იმერეთში-43. 3 867 ადამიანი მოთავსებულია კოვიდ-სასტუმროში, მათ შორის 1 283-თბილისში, 1 997-აჭარაში, 332-იმერეთში. 11 227 პირი ვირუსის მკურნალობის კურსს გადის საცხოვრებელ ბინაზე“, – ნათქვამია მთავრობის განცხადებაში.
უწყების ინფორმაციითვე, საკარანტინო სივრცეებში მოთავსებულია 1 974 ადამიანი, ხოლო თვითიზოლაციაში – 50 544.
26 თებერვლიდან დღემდე საქართველოში კორონავირუსის 147 636 შემთხვევა გამოვლინდა, რომელთაგან 124 568 გამოჯანმრთელდა, ხოლო 1 387 გარდაიცვალა.
