ნეტგაზეთი | თბილისში, ბელიაშვილის ქუჩაზე ხანძარი გაჩნდა თბილისში, ბელიაშვილის ქუჩაზე ხანძარი გაჩნდა – Netgazeti
RU | GE  

თბილისში, ბელიაშვილის ქუჩაზე ხანძარი გაჩნდა

თბილისში, დიღმის მასივში, ბელიაშვილის ქუჩაზე მდებარე 4-სართულიან შენობაში ხანძარი გაჩნდა. შემთხვევის შედეგად არავინ დაღუპულა, თუმცა მსუბუქად დაშავდა რამდენიმე მოქალაქე.

ნეტგაზეთს საგანგებგებო სიტუაციების მართვის სააგენტოში განუცხადეს, რომ ადგილზე ხანძარი უკვე ლიკვიდირებულია და მიმდინარეობს ზარალის დადგენა.

“ბელიაშვილის 33-ში მდებარე 4-სართულიან შენობაში იყო ხანძარი, რომელიც უკვე ლიკვიდირებულია. ადგილზე მობილიზებული იყო 10 სახანძრო-სამაშველო მანქანა. მეხანძრეების ოპერატიული მუშაობის შედეგად მოხერხდა 20-მდე ადამიანის შენობიდან გამოყვანა. ოთხმა მოქალაქემ მიიღო მსუბუქი ინტოქსიკაცია”, – განუცხადეს ნეტგაზეთს სააგენტოში.

შინაგან საქმეთა სამინისტროში ნეტგაზეთს განუცხადეს, რომ მომხდარზე გამოძიება დაწყებულია საქართველოს სისხლის სამართლის კოდექსის 187-ე მუხლის მეორე ნაწილით, რაც სხვისი ნივთის დაზიანებას ან განადგურებას გულისხმობს, რამაც მნიშვნელოვანი ზიანი გამოიწვია და განხორციელდა ცეცხლის წაკიდებით. დანაშაული თავისუფლების აღკვეთით ვადით სამ წლამდე ისჯება.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com