თბილისში, სანაპიროზე ორი მსუბუქი ავტომანქანა ერთმანეთს შეეჯახა, დაშავდა ერთი ადამიანი. ინფორმაცია ამის შესახებ შინაგან საქმეთა სამინისტროში დაადასტურეს.
სამინისტროს ცნობით, გამოძიება აღნიშნულ ფაქტზე 276-ე მუხლის მეორე ნაწილით დაიწყო, რაც მექანიკური ავტოსატრანსპორტო საშუალების უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.