ხუთმა ოპოზიციურმა პარტიამ – “ერთიანი ნაციონალური მოძრაობა”, “ევროპული საქართველო”, “ლელო”, “გირჩი” და “სტრატეგია აღმაშენებელი”- გუშინმ, 18 ნოემბერს გაავრცელეს ერთობლივი განცხადება და “ქართულ ოცენბას” შეთავაზებას დებატებთან დაკავშირებით საკუთარი პირობები.
პარტიებში აცხადებენ, რომ ტელეკომპანია “რუსთავი 2”, სადაც დებატების გამართვა კობახიძის შეთავაზების ნაწილი იყო, პროსამთავრობო სარედაქციო პოლიტიკის მატარებელია:
“ივანიშვილის რეჟიმმა დიდი ხანია უარი თქვა ჯანსაღი დემოკრატიული პროცესის წარმართვასა და მასში მონაწილეობაზე. მიუხედავად იმისა, რომ თავისუფალ ქვეყნებში დებატები წინასაარჩევნო პროცესის აუცილებელი ნაწილია, საპარლამენტო არჩევნებამდე ოცნების წარმომადგენლებს არცერთ პოლიტიკურ თუ საგნობრივ დისკუსიაში, მედიის მიერ ორგანიზებულ დებატებში მონაწილეობა არ მიუღიათ. ახლა პროსამთავრობო სარედაქციო პოლიტიკის მქონე ტელევიზიის, რუსთავი 2-ის ეთერში ირაკლი კობახიძემ დებატების გამართვა მოინდომა”, – აცხადებენ ოპოზიციური პარტიები.
მათი თქმით, იმ დროს, როცა ხელისუფლება ყველა დამოუკიდებელ და კრიტიკულ ტელემედიას ბოიკოტს უცხადებს, არ ფიქრობენ, რომ დებატები აუცილებლად ხელისუფლების მხარდამჭრი ტელევიზიის ეთერში უნდა ჩატარდეს და აცხადებენ, რომ შესაძლებელია მისი მოწყობა შემდეგ კვირას ყველა ნაციონალური ტელევიზიის მონაწილეობით ისეთ ფორმატში, სადაც კითხვების დასმის შესაძლებლობა ყველა ჟურნალსიტს ექნება.