საქართველოში ბოლო 24 საათში კორონავირუსის 2927 ახალი შემთხვევა გამოვლინდა, გარდაიცვალა კიდევ 24 ადამიანი.

მთავრობის ოფიციალური სტატისტიკის თანახმად, ამავე პერიოდში გამოჯანმრთელდა 2470 ადამიანი. რაც შეეხება გარდაცვლილებს, 24 ადამიანიდან თბილისში გარდაიცვალა 13 ადამიანი, ააჭარაში – 5, იმერეთში – 4, შიდა ქართლში – 1, ხოლო კახეთში – 1 ადამიანი.

26 თებერვლიდან დღემდე საქართველოში კორონავირუსის 60680 შემთხვევა გამოვლინდა, რომელთაგან 45042 გამოჯანმრთელდა, ხოლო გარდაიცვალა 499 ადამიანი.