საქართველოს მთავრობისა და პარლამენტის ლიდერების შემდეგ, პრეზიდენტი სალომე ზურაბიშვილი აშშ-ის არჩეულ პრეზიდენტ ჯო ბაიდენსა და ვიცე-პრეზიდენტ კამალა ჰარისს გამარჯვებას ულოცავს.
ზურაბიშვილმა ტვიტერზე დაწერა, რომ „საქართველოს, კავკასიასა და მსოფლიოს სჭირდება თავისუფალი, ძლიერი და დემოკრატიული ამერიკა“.
პრეზიდენტი წერს, რომ მოუთმენლად ელოდება მათთან მუშაობას, რომ აშშ-საქართველოს „თანამშრომლობა და კავშირები კიდევ უფრო გამყარდეს და გაღრმავდეს“.
„როგორც პირველ ქალ ვიცე-პრეზიდენტს აშშ-ის ისტორიაში, მსურს, პირადად მოგილოცოთ და წარმატებები გისურვოთ“, – მიმართავს იგი კამალა ჰარისს.
As the #firstwomanVP in United States history, I want to personnally congratulate you, @KamalaHarris and wish you success! ?????
— Salome Zourabichvili (@Zourabichvili_S) November 7, 2020
ზურაბიშვილი ასევე გამოეხმაურა კამალა ჰარისის მიმართვას, სადაც ის წერს: „იმედი მაქვს, რომ ყველა პატარა გოგონა, რომელიც გვიყურებს, დაინახავს, რომ ეს შესაძლებლობების ქვეყანაა“. „დიახ“, – ასე გამოეხმაურა პრეზიდენტი ამ მიმართვას.