ნეტგაზეთი | ქვეყანაში COVID-19-ით ინფიცირებული 427 მძიმე პაციენტია: მთავრობა ქვეყანაში COVID-19-ით ინფიცირებული 427 მძიმე პაციენტია: მთავრობა – Netgazeti
RU | GE  

ქვეყანაში COVID-19-ით ინფიცირებული 427 მძიმე პაციენტია: მთავრობა

საქართველოს მთავრობის ინფორმაციით, 24 ოქტომბრის სტატისტიკის თანახმად, ქვეყანაში კორონავირუსით ინფიცირებული 427 მძიმე პაციენტია.

ოფიციალური ცნობით, ამ ეტაპზე ქვეყანაში აქტიური ინფიცირებული შემთხვევა 16 121-ს აღწევს, რომელთაგან 3 571 პაციენტი საავადმყოფოში მკურნალობს. ხელოვნური სუნთქვის აპარატზეა 97 პირი.

“2 293 პირი  არის კოვიდ-სასტუმროში, მათ შორის, 1 353 – აჭარაში, ხოლო 728 – თბილისში. 10 257  მკურნალობს ბინაზე”, – ამბობენ მთავრობაში.

საქართველოში ბოლო 24 საათში კორონავირუსის 1941 ახალი შემთხვევა გამოვლინდა, გარდაიცვალა კიდევ 10 პაციენტი.

თბილისი – 1041, აჭარა – 320 | კორონავირუსის განაწილება 24 ოქტომბერს

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან