ნეტგაზეთი | ინფექციურთან დილის ტრადიციული ბრიფინგები აღარ გაიმართება ინფექციურთან დილის ტრადიციული ბრიფინგები აღარ გაიმართება – Netgazeti
RU | GE  

ინფექციურთან დილის ტრადიციული ბრიფინგები აღარ გაიმართება

თბილისის ინფექციურ საავადმყოფოსთან ამიერიდან ეპიდსიტუაციაზე კომენტარები აღარ გაკეთდება. ინფორმაცია ნეტგაზეთს საავადმყოფოში დაუდასტურეს.

მანამდე, თვეების განმავლობაში, მარინა ეზუგბაია და მარინა ენდელაძე – ინფექციურის წარმომადგენლები, დილაობით ჟურნალისტებთდან ეპიდსიტუაციას განიხილავდნენ.

დღეს გიორგი გახარიამ განაცხადა, რომ ამიერიდან საკოორდინაციო საბჭოს სხდომები ყოველდღიურად გაიმართება. საბჭოს წევრები სხდომების შემდეგ, როგორც წესი, ჟურნალისტების კითხვებზე საპასუხოდ ჩამოდიან.


ბოლო მონაცემებით [19 ოქტომბრის დილის]საქართველოში ბოლო 24 საათში კორონავირუსის 1186 შემთხვევა გამოვლინდა, გარდაიცვალა კიდევ 7 პაციენტი.

ოფიციალური სტატისტიკის თანახმად, ქვეყანაში კორონავირუსის 18 663 შემთხვევა დადასტურდა, რომელთაგან 8338 გამოჯანმრთელდა, გარდაიცვალა 143.  ეს ნიშნავს, რომ ამ დროისთვის ქვეყანაში 10 182 აქტიური შემთხვევაა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან