ნეტგაზეთი | არ შეესაბამება მინსკის ჯგუფის თანათავმჯდომარის სტატუსს – ბაქო პომპეოს ნათქვამზე არ შეესაბამება მინსკის ჯგუფის თანათავმჯდომარის სტატუსს – ბაქო პომპეოს ნათქვამზე – Netgazeti
RU | GE  

არ შეესაბამება მინსკის ჯგუფის თანათავმჯდომარის სტატუსს – ბაქო პომპეოს ნათქვამზე

აზერბაიჯანის საგარეო საქმეთა სამინისტროს პრესასთან ურთიერთობის დეპარტამენტი ეხმაურება აშშ-ის სახელმწიფო მდივნის, მაიკ პომპეოს გუშინდელ რემარკას მთიან ყარაბაღთან დაკავშირებით.

„აზერბაიჯანული მხარე ფიქრობს, რომ აშშ-ის სახელმწიფო მდივნის რემარკები არ მოდის შესაბამისობაში აშშ-ის მთავრობის მიერ კონფლიქტზე აქამდე გაკეთებულ ოფიციალურ განცხადებებთან“, – წერია განცხადებაში.

უწყება ასევე წერს, რომ „ეს რემარკები ასევე არ შეესაბამება აშშ-ის, როგორც ეუთოს მინსკის ჯგუფის ერთ-ერთი თანათავმჯდომარის, სტატუსს“.

აშშ-ის სახელმწიფო მდივანმა მაიკ პომპეომ 15 ოქტომბერს, ერთ-ერთ ტელეართან საუბრისას განაცხადა, რომ იმედოვნებს, „სომხები შეძლებენ თავის დაცვას იმისგან, რასაც აზერბაიჯანელები აკეთებენ“; ამასთან, პომპეოს თანახმად, თურქეთი ყარაბაღის კონფლიქტში აზერბაიჯანის სასარგებლოდ ერევა, რაც ძალადობის რისკებს ზრდის.

ეუთოს მინსკის ჯგუფი, რომელსაც რუსეთი, საფრანგეთი და აშშ თანათავმჯდომარეობენ, 1992 წელს შეიქმნა ყარაბაღის კონფლიქტის მშვიდობიანი გზით დარეგულირების მიზნით. ბოლო პერიოდში მაას ხშირად აკრიტიკებენ აზერბაიჯანი და თურქეთი.

ვრცლად:

„ვიმედოვნებთ, სომხები შეძლებენ თავის დაცვას“ – პომპეო ყარაბაღის ომზე

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com