ნეტგაზეთი | სამშვიდობო მანიფესტის ხელმომწერების თქმით, აზერბაიჯანის პროკურატურაში დაიბარეს სამშვიდობო მანიფესტის ხელმომწერების თქმით, აზერბაიჯანის პროკურატურაში დაიბარეს – Netgazeti
RU | GE  

სამშვიდობო მანიფესტის ხელმომწერების თქმით, აზერბაიჯანის პროკურატურაში დაიბარეს

აზერბაიჯანში სამშვიდობო მანიფესტის ხელმომწერები აცხადებენ, რომ პროკურატრაში დაკითხვაზე დაიბარეს.

როგორც აზერბაიჯანელი აქტივისტი ნარმინ შაჰმარზადი “ფეისბუკზე” წერს, ქიას იბრაჰიმი მანქანით წაიყვანეს,  თავად მას კი პროკურატურიდან მობილურ ტელეფონზე მოკლეტექსტური შეტყობინება გამოუგზავნეს და უწყებაში დაიბარეს.

Giyası gəlib maşınla aparmışdılar, məni zəng edib ayaqlarına çağırdılar. Xətrimə dəyir, where is justice? Where is gender equality?))

Posted by Narmin Shahmarzade on სამშაბათი, 13 ოქტომბერი, 2020

რაც შეეხება ქიას იბრაჰიმს, მოგვიანებით პროკრუატურაში დაბარების შესახებ ცნობა საკუთარ “ფეისბუკზე” მანაც ატვირთა:

“კიდევ მიბარებენ. ახლა ვცდილობ გავარკვიო, ვინ გავანაწყენეთ. მათ იციან, რომ პოლიტიკური მიგრანტი არ ვიქნები. თუ ჩემს დაპატიმრებას გეგმავთ, როგორც გსურთ, ისე მოიქეცით”, – წერს აქტივისტი სოციალურ ქსელში.

აზერბაიჯანის პროკურატურაში დაბარებული ორივე აქტივისტი ხელს აწერს სამშვიდობო მანიფესტს ყარაბაღში საომარი მოქმედებების წინააღმდეგ.

საუბარია მულტიეთნიკური პლატფორმა Caucasus Talks-ის („საუბრები კავკასიაზე“) გავრცელებულ სამშვიდობო განცხადებაზე მთიანი ყარაბაღის გარშემო განახლებულ კონფლიქტთან დაკავშირებით.

5 ოქტომბერს გავრცელებულ განცხადებას ხელს აწერს არაერთი მოქალაქე (მათ შორის არაერთი სამოქალაქო აქტივისტი, ჟურნალისტი თუ აკადემიური სივრცის წარმომადგენელი) სომხეთიდან, აზერბაიჯანიდან, საქართველოდან, თურქეთიდან და სხვა ქვეყნებიდან.

ქიას იბრაჰიმი კი, გარდა აღნიშნუილისა, ასევე ხელმომწერია 9 აზერბაიჯანელი მემარცხენის მიერ გავრცელებული განცხადებისა, სადაც ხელმომწერები ომის წინააღმდეგ გამოდიან.

ამავე თემაზე წაიკითხეთ:

აზერბაიჯანში გვემუქრებიან სამშვიდობო მანიფესტის ხელმომწერებს – ბაჰრუზ სამადოვი

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.