ჯანდაცვის მინისტრი ეკატერინე ტიკარაძე ამბობს, რომ მთავრობა ფიქრობს, პირბადეების მიმართულებით ღონისძიებები გაამკაცროს.

დღეს გამართულ სპეციალურ ბრიფინგზე ტიკარაძეს ჰკითხეს კორონავირუსთან დაკავშირებით ახალი შეზღუდვების დაწესებაზე, რაზეც მან უპასუხა:

„პირველი და მნიშვნელოვანი ღონისძიება, რომელიც კვლავ რჩება, ეს არის პირბადეების გამოყენება. და ამ მიმართულებით, ჩვენ ვთვლით, რომ გავამკაცრებთ ღონისძიებებს, თუმცა, რაც შეეხება ტრანსპორტის შეზღუდვას ან სხვა მობილობის დაგდებას: ამაზე ჩვენ ვსაუბრობთ, მაგრამ ეს არ წარმოადგენს ამ პრობლემის მოგვარების პირველ გადაწყვეტას“, – ამბობს ტიკარაძე და ამატებს, რომ მთავრობა დედაქალაქის „სიმჭიდროვესა და ღონისძიების დაცვის ხარისხს ითვალისწინებს“.

მისივე თქმით, ხელისუფლება იმედს იტოვებს, რომ დედაქალაქის მოსახლეობა დაეხმარება მთავრობას, ნიღბები ინტენსიურად ატაროს და არ მოუწევთ დამატებითი შეზღუდვების დაწესება.

196 აჭარაში, 178 თბილისში – კორონავირუსის განაწილება რეგიონების მიხედვით