ნეტგაზეთი | 196 აჭარაში, 178 თბილისში – კორონავირუსის განაწილება რეგიონების მიხედვით 196 აჭარაში, 178 თბილისში – კორონავირუსის განაწილება რეგიონების მიხედვით – Netgazeti
RU | GE  

196 აჭარაში, 178 თბილისში – კორონავირუსის განაწილება რეგიონების მიხედვით

საქართველოში ბოლო 24 საათში კორონავირუსის 478 შემთხვევა გამოვლინდა, რომელთაგან 196 შემთხვევა აჭარაში დადასტურდა, ხოლო 178- თბილისში.

დღეს ჟურნალისტებთან თბილისის ინფექციური საავადმყოფოს ბოქსირებული განყოფილების უფროსმა, მარინა ენდელაძემ ვირუსის ახალი შემთხვევების განაწილებაზე ისაუბრა. კორონავირუსის გავრცელების დღევანდელი სტატისტიკა ასე გამოიყურება:

  • აჭარა- 196
  • თბილისი 178
  • იმერეთი – 65
  • სამეგრელო ზემო-სვანეთი – 13
  • ქვემო ქართლი – 15
  • შიდა ქართლი – 6
  • გურია – 1
  • მცხეთა-მთიანეთი – 4

ენდელაძის ინფორმაციითვე, დღეს ქვეყანაში 5734 აქტიური შემთხვევაა, რომელთაგან 50 მართვით სუნთქვაზეა. მართვით სუნთქვაზე მყოფ მოქალაქეებს შორის 8 აფხაზეთიდანაა გადმოყვენილი, ხოლო 1 – ცხინვალიდან.

რაც შეეხება 6 პაციენტს, რომელიც კორონავირუსით გარდაიცვალა, მარინა ენდელაძე განმარტავს, რომ მათ შორის 3 აჭარაში გარდაიცვალა, 2- თბილისში, ერთი კი -საჩხერეში.


ოფიციალური სტატისტიკის მიხედვით, ბოლო 24 საათში საქართველოში კორონავირუსის 478 ახალი შემთხვევა გამოვლინდა. სულ ქვეყანაში Covid 19-ის 12 272 შემთხვევა დადასტურდა, რომელთაგან 6538 გამოჯანმრთელდა, ხოლო 91 გარდაიცვალა.

ამასთანავე, კარანტინის რეჟიმში იმყოფება 5590 ადამიანი, სტაციონარში მეთვალყურეობის ქვეშ – 836, ხოლო კოვიდ სასტუმროში – 1393.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან