თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის ინფორმაციით, ბოლო 24 საათში 800-მდე პაციენტი გამოჯანმრთელდა.
ენდელაძემ დღეს ჟურნალისტებთან განმარტა, რომ კორონავირუსისგან გამოჯანმრთელებულთა რაოდენობის პროცენტი გაზრდილია და მთლიან დადასტურებულ შემთხვევათა 50%-ს აღემატება.
მისივე თქმით, გუშინ დამატებით 796 პაციენტი გამოჯანმრთელდა.
„გამოჯანმრთელების პროცენტი მაღალია, უკვე 50%-ზე ოდნავ მეტი გამოჯანმრთელებულია, ეს შეესაბამება 3120-ს და მკურნალობას ამჟამად გადის 3072 პაციენტი.
ამ 3 ათასი პაციენტიდან კრიტიკულად მძმე არის 28, აქედან 26 მართვით სუნთქვაზეა და 8 პაციენტი გადმოყვანილია ოკუპირებული აფხაზეთიდან“,- თქვა ენდელაძემ.
საქართველოში, 30 სექტემბრის მონაცემებით, კორონავირუსის გავრცელების სტატისტიკა ასე გამოიყურება:
- კორონავირუსის დადასტურებული შემთხვევა – 6192
- მათ შორის გამოჯანმრთელებული – 3120
- მათ შორის გარდაცვლილი – 37
- კარანტინის რეჟიმში – 5445
- სტაციონარში მეთვალყურეობის ქვეშ – 836
- კოვიდ სასტუმროში მყოფი პირები – 1000
- *უცხოეთიდან სამკურნალოდ გადმოყვანილი საქართველოს მოქალაქეები – 41
ამ თემაზე წაიკითხეთ:
გაბუნიას თქმით, მე-12 დღეს პაციენტს კლინიკის დატოვება განმეორებითი ტესტის გარეშე შეეძლება
