თბილისში, საქართველოს მთავრობის ადმინისტრაციასთან, ტურიზმის სექტორის წარმომადგენლები აქციას მართავენ. მათი მთავარი მოთხოვნებია რეგულარული ფრენების აღდგენა, საკარანტინო ზონების გაუქმება და საბანკო ვალდებულებებზე შეღავათების დაწესება.
“ჩვენს უკან დგანან ჩვენი ოჯახები, ვალდებულებები. შეუძლებელია, 8 თვე ნული შემოსავლის გარეშე ცხოვრება. როდემდე შეიძლება ოჯახის წევრების იმედად ყოფნა?” – აღნიშნა ერთ-ერთმა გამომსვლელმა.
აქციის მონაწილეები აღნიშნავენ, რომ ტურიზმის სექტორის მრავალ წარმომადგენელს ბანკისგან აქვს ვალი აღებული ბიზნესის განვითარებისთვის, ახლა კი სესხის დაფარვას ვეღარ ახერხებს.
- “ნეტგაზეთის” არქივიდან: “ცრუ მოლოდინები ტურიზმს” და კიდევ 1 თვე ფრენების გარეშე
“ვართ გაკოტრების პირას და სახელმწიფო არანაირ შუამდგომლობას არ გვიწევს ბანკებთან ურთიერთობაში. ჩვენ მხოლოდ იმისთვის კი არ ვიბრძვით, რომ ვიყოთ გადამხდელუნარიანები, არამედ ვიბრძვით არსებობისთვის”, – აღინიშნა აქციაზე.
შეკრებილები სახელმწიფოს სთხოვენ, რეგულარული ფრენები გაიხსნას ე.წ. მწვანე ზონაში შემავალ ქვეყნებთან, სადაც ეპიდემიოლოგიური ვითარება სტაბილურია, ასევე, ბანკებთან შუამდგომლობას სახელმწიფოს მხრიდან.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
