ნეტგაზეთი | თურქეთი მარნეულის აეროდრომის მოდერნიზაციისთვის 1.5 მლნ ლირას გამოყოფს თურქეთი მარნეულის აეროდრომის მოდერნიზაციისთვის 1.5 მლნ ლირას გამოყოფს – Netgazeti
RU | GE  

თურქეთი მარნეულის აეროდრომის მოდერნიზაციისთვის 1.5 მლნ ლირას გამოყოფს

თურქეთი საქართველოს მარნეულის აეროდრომის მოდერნიზაციისთვის 1.5 მილიონი თურქული ლირის ეკვივალენტის აშშ დოლარს (დაახლ. 200 ათასი) გამოუყოფს. აღნიშნული თანხა სამხედრო აღჭურვილობას მოხმარდება.

საქართველოსა და თურქეთის რესპუბლიკის მთავრობას შორის ლოგისტიკის დარგში განხორციელებული ორი ოქმი სარატიფიკაციოდ დღეს თავდაცვისა და უშიშროების კომიტეტის სხდომაზე განიხილეს. კომიტეტის თავმჯდომარემ ირაკლი სესიაშვილმა თურქეთს ფინანსური მხარდაჭერისთვის მადლობა გადაუხადა და აღნიშნა, რომ მსგავსი ხელშეკრულებების რატიფიცირებას პარლამენტი ყოველწლიურად ახდენს.

თურქეთსა და საქართველოს შორის სამხედრო ფინანსური თანამშრომლობის შესახებ შეთანხმება 2016 წლის ბოლოს გაფორმდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.