ზურაბ ჟვანიას ფონდი „წინანდლის პრემიის“ მოსაპოვებლად 2020 წლის კონკურსს აცხადებს. განაცხადების მიღება 21 სექტემბერს დაიწყება და 20 ოქტომბრის ჩათვლით გაგრძელდება.
Covid 19-ის პანდემიის მიზეზით, განაცხადები და სააპელაციო დოკუმენტები ელექტრონულად, ელ. ფოსტაზე tsinandlispremia@yahoo.com მიიღება.
წინანდლის პრემია პრიზებს გამარჯვებულ ავტორებს შემდეგ კატეგორიებში გადასცემს:
- თეატრალური ხელოვნება;
- კინოხელოვნება;
- მხატვრული ლიტერატურა (პროზა);
- მხატვრული ლიტერატურა (პოეზია);
- მუსიკალური ხელოვნება;
- სახვითი ხელოვნება;
- ზუსტი და საბუნებისმეტყველო მეცნიერებები;
- ჰუმანიტარული მეცნიერებები.
პრემიის ლაურეატები დიპლომებითა და ფულადი პრიზებით დაჯილდოვდებიან. პროექტი საქართველოს განათლების, მეცნიერების, კულტურისა და სპორტის სამინისტროს მხარდაჭერით ხორციელდება.