„თუ ამ წრეზე ტრიალი მოგბეზრდა, გამოსავალი ევროპული კოალიციაა“, – ასე გამოეხმაურა პარტია „ევროპული საქართველო“ მიხეილ სააკაშვილის მორიგ მიმართვას საქართველოში დაბრუნების შესახებ და ამაზე „ქართული ოცნების“ რეაქციას.
„Miha hamodiii“, – ამ მინაწერით გამოეხმაურა პარტია „ქართული ოცნება“ Facebook-ის ოფიციალური გვერდით ყოფილი პრეზიდენტის, მიხეილ სააკაშვილის განცხადებას საქართველოში დაბრუნების შესახებ.
საქართველოს ყოფილმა პრეზიდენტმა მიხეილ სააკაშვილმა, რომელიც უკრაინის რეფორმების აღმასრულებელ კომიტეტს თავმჯდომარეობს, 27 აგვისტოს ვიდეომიმართვა გაავრცელა:
ვიდეომიმართვაში სააკაშვილი უკრაინაზე საუბრობს და ამბობს, რომ ეს ქვეყანა მისი მეორე სახლია, თუმცა მიმართვის ბოლოს საქართველოსთან მის დამოკიდებულებაზე ამახვილებს ყურადღებას და დასძენს: „მე ვბრუნდები“.