ნეტგაზეთი | ეთნიკურად აზერბაიჯანელი და სომეხი მოქალაქეები სამშვიდობო კამპანიას უერთდებიან ეთნიკურად აზერბაიჯანელი და სომეხი მოქალაქეები სამშვიდობო კამპანიას უერთდებიან – Netgazeti
RU | GE  

ეთნიკურად აზერბაიჯანელი და სომეხი მოქალაქეები სამშვიდობო კამპანიას უერთდებიან

საქართველოს ეთნიკურად სომეხმა და აზერბაიჯანელმა მოქალაქეებმა ფეისბუკზე წამოიწყეს კამპანია, რომლის ფარგლებშიც წერენ, რომ „კონფლიქტი და ომი ადამიანებისთვის ყოველთვის უბედურების, ძალადობის და ტკივილის მომტანია“, რომ სოლიდარობა ეთნიკურ კუთვნილებაზე მაღლა დგას და თანამოქალაქეებს მოუწოდებენ, შეინარჩუნონ სიყვარული ყველას მიმართ.

რამდენიმე დღეა, ეთნიკურად აზერბაიჯანელი და სომხები ახალგაზრდები, ამ ორი ქვეყნის საზღვარზე დაპირისპირების განახლების ფონზე, ფეისბუკზე ერთსა და იმავე ტექსტს აზიარებენ, ჰეშთეგით „საქართველოს ახალგაზრდების ხმები“, სადაც ხაზს უსვამენ მშვიდობის მნიშვნელობას:

„ჩვენ ვართ საქართველოს აზერბაიჯანელი და სომეხი ახალგაზრდები, რომლებიც სკოლაში, უნივერსიტეტში თუ ტრენინგებზე ერთად ვიღებთ განათლებას, ვმეგობრობთ და ვთანამშრომლობთ. ჩვენ კარგად გვაქვს გააზრებული, რომ ჩვენი სახელმწიფო – საქართველო მრავალფეროვანი და მულტიკულტურული ქვეყანაა, სადაც სოლიდარობა და თანადგომა ეთნიკურ და რელიგიურ ჩარჩოებზე მაღლა დგას.

მტკიცედ გვწამს, რომ კონფლიქტი და ომი ადამიანებისთვის ყოველთვის უბედურების, ძალადობის და ტკივილის მომტანია. მოვუწოდებთ ჩვენს თანამოქალაქეებს, არ აჰყვნენ პროვოკაციებს და შეინარჩუნონ სიმშვიდე და სიყვარული ყველას მიმართ. ჩვენ ვდგავართ მშვიდობის სადარაჯოზე საქართველოში და მსოფლიოში“.

Az
Biz məktəbdə, universitetdə və ya treninqlərdə birlikdə təhsil alan, dostluq edən və əməkdaşlıq edən Gürcüstanın azərbaycanlı və erməni gəncləriyik.
Biz dərk etmişik ki, dövlətimiz – Gürcüstan həmrəylik və dəstəyin etnik və dini sərhədlərdən daha üstün olduğu, rəngarəng və çox mədəniyyətli bir ölkədir.
Münaqişə və müharibənin həmişə insanlara müsibət, şiddət və ağrı gətirdiyinə qətiyyətlə inanırıq.
Bu səbəbdən, həmyerlilərimizi təxribatlara uymamağa və hamıya qarşı sülh və sevgi dolu olmağa çağırırıq.Biz, Gürcüstanda və dünyada sülhün keşiyində dayanırıq.
Am
Մենք՝ Վրաստանում ապրող հայ եւ ադրբեջանցի երիդասարդներս, դպրոցում, համալսարանում միասին ենք սովորում, նաև ընկերներ ենք եւ համագործաքցում ենք միասին։ Մենք քաջ գիտաքցում ենք, որ մեր հայրենիքը՝ Վրաստանը բազմազգ եւ բազմամշակութային երկիր է, որտեղ համերաշխությունը վեր է կրոնական եւ էթնիկական սահմաններից։ Մենք նաեւ գիտենք, որ հակամարտությունն ու պատերազմը հանգեցնում են դժբախտության, բռնության եւ իհարկե ցավի։ Մենք կոչ ենք անում մեր համաքաղաքացիներն չհետեւել սադրանքներին եւ պահպանել հանգստությունն ու սեր բոլորի հանդեպ։
Մենք պահպանում ենք խաղաղությունը Վրաստանում եւ ամբողջ աշխարհում։

სომხეთ-აზერბაიჯანის საზღვარზე განახლებული სამხედრო შეტაკებების ფონზე, მსოფლიოს არაერთ ქალაქში მოხდა დაპირისპირება ამ ქვეყნების მოქალაქეებს შორის. „ნეტგაზეთთან“ საუბარში აქტივისტები ამბობენ, რომ კონფლიქტმა საქართველოში არცერთი სახით არ უნდა შემოაღწიოს.

გირჩევთ „ნეტგაზეთის“ სტატიას:

„სომხეთ-აზერბაიჯანის დაპირისპირებამ არ უნდა შემოაღწიოს საქართველოში“

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com