თბილისის ინფექციური საავადმყოფოს კლინიკური დირექტორის, მარინა ეზუგბაიას თქმით, კორონავირუსის 4 ახალი დადასტურებული შემთხვევიდან ერთის წყარო უცნობია.
“3 არის შემოტანილი შემთხვევა, რომელთაგან 2 არის სატვირთო ავტომანქანის მძღოლი, ერთი კი – საკარანტინე სივრციდან. მეოთხე შემთხვევის წყაროს მოძიება ჯერჯერობით გრძელდება და ალბათ, მიკვლეული იქნება ჩაღრმავებული კვლევის შედეგად”, – განაცხადა ეზუგბაიამ.
საქართველოში ბოლო 24 საათში კორონავირუსის 4 ახალი შემთხვევა გამოვლინდა, გამოჯანმრთელდა კიდევ 3 პაციენტი. მთავრობის მიერ შექმნილი ოფიციალური საიტის, stopcov.ge-ს თანახმად, სულ საქართველოში კორონავირუსის 1003 შემთხვევა დადასტურდა, რომელთაგან 873 გამოჯანმრთელდა, 15 კი გარდაიცვალა.
კორონავირუსის დადასტურებული შემთხვევების რიცხვი 1003-მდე გაიზარდა