ბრიტანეთში მცხოვრებმა მუსიკოსმა ქეთი მელუა 27 ივნისს „საქართველოს წითელი ჯვრის საზოგადოების“ დასახმარებლად იუტუბზე ონლაინ-კონცერტი გამართა.
„ამ უცნაურ პერიოდში, ვცდილობდი, მომეფიქრებინა, რა შეიძლება გავაკეთო, რომ ვინმეს რამეში გამოვადგე. გადავწყვიტე, შევუერთდე საართველოს წითელი ჯვრის საზოგადოებას, რომელიც შთამბეჭდავ სამუშაოს სწევს საქართველოში Covid-19-ის კრიზისის პერიოდში“, – ამბობს შემსრულებელი.
კონცერტი, რომელიც 12 ივნისს დაანონსდა, 27 ივნისს, შაბათს პირდაპირ ეთერში გადაიცა იუტუბზე. ქეთი მელუამ 10 სიმღერა შეასრულა გულშემატკივრებისთვის.