ნეტგაზეთი | კობახიძე: არჩევნები დეკემბერში ჩატარდება, თუ ეპიდემიის მე-2 ტალღა ოქტომბრამდე იქნება კობახიძე: არჩევნები დეკემბერში ჩატარდება, თუ ეპიდემიის მე-2 ტალღა ოქტომბრამდე იქნება – Netgazeti
RU | GE  

კობახიძე: არჩევნები დეკემბერში ჩატარდება, თუ ეპიდემიის მე-2 ტალღა ოქტომბრამდე იქნება

„ქართული ოცნების“ ერთ-ერთი ლიდერის, ირაკლი კობახიძის განცხადებით, 2020 წლის საპარლამენტო არჩევნები, შესაძლოა, დეკემბერში ჩატარდეს, თუმცა იმედი გამოთქვა, რომ ეს ასე არ მოხდება.

როგორც პარლამენტის ყოფილმა სპიკერმა განაცხადა, კონსტიტუციის თანახმად, არჩევნები უნდა გაიმართოს 2020 წლის 31 ოქტომბერს, მეორე ტური – სამ კვირაში, რაც უწევს დაახლოებით 21 ნოემბერს.

თუმცა „იმედის“ ეთერში 13 ივნისს კობახიძემ განაცხადა, რომ „თუ ეპიდემიის მეორე ტალღა დაემთხვა არჩევნებამდე 31 ოქტომბრამდე პერიოდს, მაშინ არჩევნები ჩატარდება დეკემბერში“.

„თუ 21 ნოემბრამდე არ იქნება მეორე ტალღა, ამ შემთხვევაში ჩვეულებრივად ტარდება არჩევნები, მაგრამ თუ 31 ოქტომბრამდე მოუწია მეორე ტალღა, (საუბარია კონსტიტუციურ მოცემულობაზე) სასწორზე დგას ორი რამ – ერთი არის ეპიდემიირ გავრცელება. ასევე, საუბარია იმაზე, რომ მეორე ტალღა შეიძლება, უფრო მძიმეც იყოს, ვიდრე პირველი, ბუნებრივია, არჩევნები შეიძლება გახდეს ეპიდემიის გავრცელების წყარო“.

„მეორე არის – არჩევნების თარიღი. ამ შემთხვევაში პასუხს იძლევა კონსტიტუცია – პასუხი არის შემდეგი – თუ აუციელებელი იქნება პირობითად ოქტომბერში საგანგებო მდგომარეობის გამოცხადება ეპიდემიის სამართავად, ამ შემთხვევაში ცხადდება საგანგებო მდგომარეობა, გაუქმდება რაღაც პერიოდში და აქედან 45-დან 60 დღემდე ვადაში ტარდება უკვე არჩევნები. ეს შეიძლება იყოს, დეკემბერი, შეიძლება იყოს იანვარი, მე ვსაუბრობ კონსტიტუციიდან გამომდინარე, თუმცა კიდევ ერთხელ გამოვთქვამ იმედს, რომ ეს არ მოხდება“, – განაცხადა მან.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com