ნეტგაზეთი | პაკისტანში მომხდარ ავიაკატასტროფას 97 ადამიანი ემსხვერპლა პაკისტანში მომხდარ ავიაკატასტროფას 97 ადამიანი ემსხვერპლა – Netgazeti

პაკისტანში მომხდარ ავიაკატასტროფას 97 ადამიანი ემსხვერპლა

22 მაისს პაკისტანში მომხდარ ავიაკატასტროფას 97 ადამიანი ემსხვერპლა, იუწყება BBC.

ავიაკატასტროფა მოხდა გუშინ, პაკისტანის კარაჩის რეგიონში.

თავდაპირველი ინფორმაციის თანახმად, ბორტზე 90 ადამიანი იმყოფებოდა, თუმცა ახალი ინფორმაციით, სულ თვითმფრინავში 91 მგზავრი და ეკიპაჟის 8 წევრი იყო. კატასტროფას არსებული ცნობებით მხოლოდ 2 ადამიანი გადაურჩა.

გარდა ამისა, თვითმფრინავი საცხოვრებელ რაიონში დაეცა.

ჯერჯერობით, კატასტროფის მიზეზი უცნობია, მაგრამ როგორც BBC წერს, ადგილობრივი მედიის ცნობით, პილოტმა დაშვების წარუმატებელი მცდელობის შემდეგ დისპეტჩერს ტექნიკური პრობლემების შესახებ აცნობა და განგაშის სიგნალი მისცა, როცა თვითმფრინავმა ვარდნა დაიწყო.


გარეკანის ფოტო: EPA

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31