18 ადამიანი ემსხვერპლა ავიაკატასტროფას ნეპალის დედაქალაქ კატმანდუში. შემთხვევას მხოლოდ ერთი ადამიანი, პილოტი, გადაურჩა. შემთხვევა რამდენიმე საათის წინ, მაშინ მოხდა, როცა თვითმფრინავი კატმანდუდან ცნობილ ტურისტულ ქალაქ ფოხარას მიმართულებით მიფრინავდა.
BBC-ის ცნობით, თვითმფრინავი აფრენის დროს ჩამოვარდა. ეს იყო Saurya Airlines-ის სატესტო ფრენა, ბორტზე კი ძირითადად ამავე ავიაკომპანიის ტექნიკოსები და სხვა თანამშრომლები იყვნენ.
ნეპალში ავიაკატასტროფა გასულ წელსაც მოხდა, რასაც 72 ადამიანი ემსხვერპლა. მაშინ მიზეზი პილოტების შეცდომა გახდა.
