კემბრიჯის უნივერსიტეტი პირველია, რომელმაც კორონავირუსის პანდემიის გამო შეზღუდვები მთელ აკადემიურ წელზე გაავრცელა. როგორც The Guardian წერს, უნივერსიტეტმა მიიღო გადაწყვეტილება, ყველა ლექცია ონლაინ რეჟიმში გადაიტანოს.

უნივერსიტეტის განცხადებით, ონლაინ რეჟიმში სწავლება 2021 წლის ზაფხულამდე გაგრძელდება. ტრადიციულ ფორმატში სწავლა კი მცირე ჯგუფებისთვის იქნება დაშვებული, თუ სოციალური დისტანცირების წესების  დაცვა შესაძლებელი იქნება.

კებრიჯის უნივერსიტეტი ონლაინ სწავლებაზე მარტში გადავიდა, სტუდენტები გამოცდებსაც ვირტუალურად აბარებენ:

“უნივერსიტეტი მუდმივად ადაპტირდება პანდემიის პირობებში შესაბამისი უწყებების რჩევების შესაბამისად. ვიცით რა, რომ სოციალური დისტანცირების მოთხოვნები შენარჩუნდება, გადავწყვიტეთ, შემდეგი აკადემიური წელი მთლიანად ონლაინ რეჟიმში ჩავატაროთ”, – უთხრა The Guardian-ს კემბრიჯის უნივერსიტეტის სპიკერმა.