ნეტგაზეთი | იტალიაში დღეიდან მაღაზიები და რესტორნები გაიხსნა იტალიაში დღეიდან მაღაზიები და რესტორნები გაიხსნა – Netgazeti
RU | GE  

იტალიაში დღეიდან მაღაზიები და რესტორნები გაიხსნა

ევროპაში კორონავირუსისგან ერთ-ერთ ყველაზე დაზარალეულ ქვეყანაში, იტალიაში, სადაც კორონავირუსის ფართომასშტაბიანი ეპიდემია ჩინეთს გარეთ თებერვალში დაიწყო, მაღაზიები და რესტორნები იხსნება, იუწყება NBC News.

9 მარტის გადაწყვეტილებით, იტალიაში კარანტინი დაწესდა — იმ მომენტისთვის ფიქსირდებოდა კორონავირუსით დაავადებულთა რაოდენობის დიდი მატება — ამ მომენტისთვის დადასტურებული შემთხვევების რაოდენობა 200 000-ს აჭარბებს, ხოლო გარდაცვლილთა — 30 000-ს.

თუმცა, ვირუსის გავრცელების შენელებიდან და კიდევ უფრო დიდი ეკონომიკური პრობლემების თავიდან აცილებისთვის იტალიაში შეზღუდვებს ნელ-ნელა ხსნიან.

3 ივნისიდან შესაძლებელი იქნება ქვეყნის დატოვება და მასში ჩასვლა, უკვე ნებადართულია სხვადასხვა დაწესებულების მუშაობა, შუა ივნისისთვის, თუ ვირუსის გავრცელება მინიმალური იქნება, გაიხსნება კინოთეატრები და თეატრები.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: realnikaburduli@gmail.com