ნეტგაზეთი | ეკლესიის მოზაიკაზე პუტინის გამოსახვა გადაიფიქრეს ეკლესიის მოზაიკაზე პუტინის გამოსახვა გადაიფიქრეს – Netgazeti

ეკლესიის მოზაიკაზე პუტინის გამოსახვა გადაიფიქრეს

რუსეთის შეიარაღებული ძალების ეკლესიაში მოზაიკა, რომელზეც ვლადიმერ პუტინი და იოსებ სტალინი არიან გამოსახული, ახლით ჩანაცვლდება, სადაც ვლადიმერ პუტინი და სხვები უკვე აღარ იქნებიან. ინფორმაციას ამის შესახებ РБК ავრცელებს.

აქამდე, ეკლესიის წინამძღვარი ეპისკოპოსი სტეფანე აცხადებდა, რომ ამ მოზაიკის განთავსებით რუსეთის მიერ ყირიმის „შეერთების“ (საერთაშორისო საზოგადოების მიერ ანექსიად მიჩნეული) პროცესში მოქმედი ფიგურების გამოსახვა იგეგმებოდა, ხოლო სტალინის მონაწილეობა ამ მოზაიკაში უკავშირდება მეორე მსოფლიო ომში გამარჯვებას, რადგანაც ეკლესია დაახლოებით ამ დროს ააგეს.

თუმცა, როგორც სტეფანე ამბობს, მოზაიკის ჩანაცვლების გადაწყვეტილება თავად ვლადიმერ პუტინის დამოკიდებულიბითაა განპრიობებული — „გადაწყვეტილება მივიღეთ რუსეთის პრეზიდენტის აზრიდან გამომდინარე. მან ჩათვალა, რომ მისი გამოსახვა ნაადრევი იყო“, — აცხადებს იგი.

თუმცა, როგორც РБК იუწყება, მოზაიკას, სადაც პუტინია გამოსახული, შეინახავენ, ხოლო მის ნაცვლად გაკეთდება ახალი, სადაც ასახული იქნება მსვლელობა ყირიმის „შეერთების“ შემდეგ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31