ნეტგაზეთი | ამ დღეებში გამოჯანმრთელებულები კიდევ იქნებიან – ენდელაძე ამ დღეებში გამოჯანმრთელებულები კიდევ იქნებიან – ენდელაძე – Netgazeti

ამ დღეებში გამოჯანმრთელებულები კიდევ იქნებიან – ენდელაძე

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, საავადმყოფოში მყოფი კორონავირუსით დაავადებული პაციენტების გამოჯანმრთელებასა და მათ სახლში გაწერას უახლოეს დღეებში ელოდებიან.

„ამ დღეებში იქნებიან გამოჯანმრთელებულები, ველოდებით, რომ მათ გავწერთ“, — განაცხადა ენდელაძემ.

მისი თქმით, ამჟამად ინფექციურ საავადმყოფოში მოთავსებულია 38 ადამიანი, რომელთა 2/3-ს აქვს პნევმონია, 6-ის მდგომარეობა მძიმეა, 1-ის კი კრიტიკული.


საქართველოში კორონავირუსით 6 აპრილის 22 საათის მონაცემებით დაავადდა 188 ადამიანი. აქედან გამოჯანმრთელდა 39, ხოლო გარდაიცვალა 2.

ამავე თემაზე:

პაციენტების 2/3-ს პნევმონია აქვს, 6 მძიმედაა, 1 კრიტიკულია — ენდელაძე

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31