4 აპრილის 22:30 საათის მონაცემებით, საქართველოში ახალი კორონავირუსით ინფიცირების დადასტურებული შემთხვევები კიდევ გაიზარდა და 162-ს მიაღწია.

მთლიანობაში, დღეს დილიდან ამ დრომდე,  COVID-19-ის 7 ახალი შემთხვევა გამოვლინდა.

ამასთან, გაზრდილია გამოჯანმრთელებული პაციენტების რაოდენობაც. ამჟამად, Stopcov.ge-ს ინფორმაციით, დაავადებისგან 36 პაციენტი გამოჯანმრთელდა. დღის განმავლობაში, სულ სტაციონარი 8 პაციენტმა დატოვა.

4 აპრილს საქართველოში კორონავირუსით ინფიცირებული პაციენტის გარდაცვალების შემთვევაც დაფიქსირდა. დაიღუპა 79 წლის ქალი ბოლნისის მუნიციპალიტეტიდან.

ამჟამად კარანტინში 5067 ადამიანი იმყოფება, 330-ს კი სტაციონარში აკვირდებიან.

რა ვიცით საქართველოში COVID-19-ით გარდაცვლილ პირველ პაციენტზე