ნეტგაზეთი | რეზოლუცია, რომელიც რუსეთისთვის სანქციების მოხსნას ითვალისწინებდა, ჩავარდა რეზოლუცია, რომელიც რუსეთისთვის სანქციების მოხსნას ითვალისწინებდა, ჩავარდა – Netgazeti

რეზოლუცია, რომელიც რუსეთისთვის სანქციების მოხსნას ითვალისწინებდა, ჩავარდა

გაეროში რუსეთის ფედერაციის მიერ ინიციირებული რეზოლუცია, რომლის თანახმადაც, სხვა პუნქტებთან ერთად, სანქციებიც მოეხსნებოდა, ჩავარდა.

როგორც რუსული მხარე იუწყება, დოკუმენტის მიღება საქართველოს, უკრაინის, გაერთიანებული სამეფოს, აშშ-ის და ევროკავშირის წინააღმდეგობის გამო ვერ მოხერხდა.

თუმცა ოფიციალური მოსკოვი აცხადებს, რომ მიუხედავად დოკუმენტის ჩავარდნისა, „თანამოაზრეებთან“ თანამშრომლობას მაინც გააგრძლებენ და აინტერესებთ, თუ „რა ლოგიკით და არგუმენტებით“ დაბლოკეს დოკუმენტი აშშ-მა, გაერთიანებულმა სამეფომ და ევროკავშირმა.

რუსული მხარის განცხადებით, „ათავისუფლებს“ საქართველოსა და უკრიანას პოზიციის დაფიქსირებისგან, რადგანაც, მოსკოვის განცხადებით, „ქედმაღლური და პოლიტიზირებული“ არგუმენტები არაფრის მომცემი იქნება.

დოკუმენტის თანახმად, WHO-ის საკოორდინაციო როლის აღიარებასთან და სახელმწიფოების თანამშრომლობასთან ერთად, უნდა გაუქმებულიყო ცალმხრივი, გაეროს უშიშროების საბჭოს გარეშე მიღებული სანქციები — ანუ, სანქციები, რომლებიც რუსეთს სხვადასხვა ქვეყნებმა საერთაშორისო სამართლის ნორმების დარღვევისთვის დაუწესეს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com