ნეტგაზეთი | 27 მარტი: რუსეთში კორონავირუსით ინფიცირებულთა რიცხვმა ათასს გადააჭარბა 27 მარტი: რუსეთში კორონავირუსით ინფიცირებულთა რიცხვმა ათასს გადააჭარბა – Netgazeti

27 მარტი: რუსეთში კორონავირუსით ინფიცირებულთა რიცხვმა ათასს გადააჭარბა

რუსეთის კორონავირუსის პრევენციისთვის შექმნილი სამთავრობო საიტის მიხედვით, 27 მარტის 13 საათის მონაცემებით, რუსეთში გამოვლენილია კორონავირუსის 1 036 დადებითი შემთხვევა, აქედან გამოჯანმრთელებულია 45 ადამიანი, გარდაცვლილია 3. ბოლო დღის განმავლობაში კი რუსეთში კორონვირუსის 196 ახალი შემთხვევა დაფიქსირდა.

რაც შეეხება რუსეთის ანტიკრიზისულ გეგმას, რუსეთი კირონავირუსის პრევენციისთვის შემდეგ ზომებს მიმართავს:

  • რუსეთმა შეიმუშავა ანაზღაურებისა და შვებულების წესი კარანტინში მყოფთათვის;
  • ურეცეპტო წამლების დისტანციურად გაყიდვა;
  • “მწვანე დერეფნის” შექმნა საქონლის იმპორტზე;
  • სავაჭრო ობიექტებში აუცილებელი საქონლის ხელმისაწვდომობის ოპერატიული მონიტორინგი;
  • სამედიცინო და ფარმაცევტული დახმარებისთვის გამოიყო 23 მილიარდი რუბლი;
  • შრომის სამინისტრო და იუსტიციის სამინისტრო მოამზადებენ წინადადებებს თანამდებობიდან დაუსაბუთებელი გადაყენების თავიდან ასაცილებლად;
  • კორონავირუსთან კონტაქტში მყოფი პაციენტების თვალთვალის სისტემა, მობილური ოპერატორების მონაცემების საფუძველზე;
  • შეღავათების დისტანციური გადახდები, მათ შორის უმუშევრებისთვის;
  • შეიზღუდა რეგულარული და ჩარტერული რეისები ყველა სახელმწიფოსთან. შესრულდება მხოლოდ სპეცრეისები.

Worldmeter-ის მიხვედვით, რუსეთში, 2020 წლის მონაცემებით, 145 მილიონზე მეტი ადამიანი ცხოვრობს.

ნეტგაზეთის მასალების სხვა გამოცემებში გადაბეჭდვის წესი
ავტორი