ნეტგაზეთი | ლორა თორნტონი “NDI-საქართველოს” დირექტორის პოსტს ტოვებს ლორა თორნტონი “NDI-საქართველოს” დირექტორის პოსტს ტოვებს – Netgazeti
RU | GE  

ლორა თორნტონი “NDI-საქართველოს” დირექტორის პოსტს ტოვებს

ლორა თორნტონი “ეროვნულ დემოკრატიული ინსტიტუტის” (NDI) საქართველოს ოფისის დირექტორის პოსტს ტოვებს.

ეს ინფორმაცია “ნეტგაზეთს” “NDI-საქართველოს” ოფისში დაუდასტურეს და განაცხადეს, რომ ახალი დირექტორის შერჩევის პროცესი დაწყებულია. “NDI-საქართველოს” დირექტორები, როგორც წესი, 5-6 წელიწადში იცვლებიან. “ეროვნულ დემოკრატიული ინსტიტუტის” საქართველოს ოფისში ამბობენ, რომ ამჯერადაც გეგმიურ ცვლილებასთან გვაქვს საქმე.

ლორა თორნტონი საქმიანობას სტოკჰოლმში, სამთავრობათაშორისო ორგანიზაცია International IDEA-ში გააგრძელებს, რომელიც მსოფლიოში დემოკრატიული ინსტიტუტების გაძლიერების მიმართულებით მუშაობს.

ლორა თორნტონი NDI-ის 1998 წელს შეუერთდა, 2014 წლიდან კი საქართველოს ოფისს ხელმძღვანელობს. საქართველოში მისიამდე ის ხელმძღვანელობდა NDI-ის ოფისებს კამბოჯაში, ტაილანდსა და მალაიზიაში.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.