პრაღის მთავრობამ მხარი დაუჭირა ბორის ნემცოვის სახელის მინიჭებას მოედნისთვის, რომელზეც რუსეთის საელჩო მდებარეობს

ჩეხეთის დედაქალაქის, პრაღის მთავრობამ მხარი დაუჭირა ინიციატივას, რომლის თანახმადაც მოედნისთვის, რომელზეც რუსეთის ფედერაციის საელჩო მდებარეობს, ბორის ნემცოვის სახელი უნდა მიენიჭებინათ. ინფორმაციას ამის შესახებ რუსული მედია ავრცელებს.

მოედნისთვის ნემცოვის სახელობის მინიჭების იდეას მანამდე მხარი დაუჭირეს პრაღის მმართველი კოალიციის პარტიებმა. შესაბამის პეტიციას 4,5-მა ათასმა მოქალაქემ დაუჭირა მხარი.

ნემცოვის სახელობის ქუჩები და მოედნები აგრეთვე არის კიევში, ვაშინგტონსა და ვილნიუსში.


ბორის ნემცოვი 2015 წლის 27 თებერვალს მოსკოვის ცენტრში, კრემლთან ახლოს, დიდი მოსკოვის მდინარის ხიდზე მოკლეს. 2017 წელს სასამართლომ ხუთ ბრალდებულს 11-დან 19 წლამდე პატიმრობა მიუსაჯა, თუმცა მკვლელობის დამკვეთი ამჟამად უცნობია.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31