მალხაზ მაჩალიკაშვილმა დროებითი საგამოძიებო კომისიის შექმნის მოთხოვნით ხელმოწერების შესაგროვებლად რუსთაველის მეტროსთან გადმოინაცვლა. მაჩალიკაშვილის თქმით, ეს არ იქნება ერთადერთი ადგილი, სადაც მისი შვილის, თემირლან მაჩალიკაშვილის მკვლელობის საქმის გამოძიების მოთხოვნით ხელმოწერებს შეაგროვებენ:

“დღეიდან განახლდება ხელმოწერების შეგროვება იმის მოთხოვნით, რომ პარლამენტში შეიქმნას დროევითი საგამოძებო კომისია. იმედია, ამჟამად მეტროებსაც არ ჩაკეტავენ. რუსთაველის მეტროს გარდა, ჩვენ ხელმოწერების შეგროვებას გავაგრძელებთ სხვადასხვა მეტროსადგურებთან” ,- განაცხადა მაჩალიკაშვილმა ჟურნალისტებთან საუბრისას.

მაჩალიკაშვილის თქმით, აპრილიდან ხელმოწერების შესაგროვებლად შემოუერთდება გაერთიანებული ოპოზიციის ახალგაზრდული ჯგუფები და ასევე ჩაერთვება ქისტი მოსახლეობის ახალგაზრდა ნაწილიც. გარდა ამისა, მაჩალიკაშვილის განცხადებით, 5 აპრილს ინგუშეთიდან და ჩეჩნეთიდან სხვა ახალგაზრდებიც შეურთდებიან.