ზვავში ორი ტურისტი მოყვა, ერთ-ერთ მათგანს ამ დრომდე ეძებენ – საგანგებო

საგანგებო სიტუაციების მართვის სააგენტოს ინფორმაციით, მწვერვალ თეთნულდზე ზვავი ჩამოწვა, თოვლის ქვეშ კი ტურისტები მოყვნენ.

მაშველებმა ამოიყვანეს ზვავში მოყოლილი ჩეხეთის რესპუბლიკის ერთი მოქალაქე, რომელსაც ზედა კიდური ჰქონდა დაზიანებული. იგი სასწრაფო სამედიცინო დახმარების ექიმებმა სტაციონარში გადაიყვანეს. მეორე ტურისტს კი მაშველები სპეციალური ტექნიკის საშუალებით ეძებენ.

უწყების თქმით, ადგილზე იმყოფება საგანგებო სიტუაციების მართვის სამსახურის განსაკუთრებულ შემთხვევებზე რეაგირების სამაშველო ჯგუფი და ყველა შესაბამისი სამსახური.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან