მასწავლებელთა პროფესიული განვითარების ეროვნული ცენტრი მასშტაბურ საბუნებისმეტყველო საგნების ტურნირს “ჩხირკედელას” მასპინძლობს, რომელშიც 40-მდე გუნდი მონაწილეობს.
ტურნირი მოიცავს ინოვაციური ტექნოლოგიების გამოყენებას და მისი მიზანია მოსწავლეებში კრიტიკული და შემოქმედებითი უნარების განვითარება.
6 თებერვალს ფიზიკის მიმართულებით გამარჯვებული გუნდებიც გამოვლინდა:
[checklist]
- I ადგილი – ლანჩხუთის #3 საჯარო სკოლა;
- II ადგილი – ბათუმის #5 საჯარო სკოლა;
- III ადგილი – შავნაბადას საერო გიმნაზია[/checklist]
“ჩხირკედელა” მასწავლებელთა პროფესიული განვითარების ეროვნული ცენტრის პროექტია. მოსწავლეები სპეციალური ხელსაწყოებით აღჭურვილ ლაბორატორიებში მუშაობენ და ინოვაციური ტექნოლოგიების მიმართულებით სხვადასხვა პროდუქტს ქმნიან.
ტურნირის ფარგლებში მათი ნამუშევრების გამოფენაც გაიმართა.